نبدا باسم الله
المقادير
4 بيضات
2 خميرات الحلوى
1 لاباني
6 معالق كبار عامرين مزيان دقيق /فورص/
2 معالق كبار عامرين مزيان كاوبيل/ ممكن نستعملو بودرة الكاكاو فبلاصة كاوبيل
كاس صغير سنيدة
كاس زيت /كاس صغيرو ادا كان ديال العنبة كاس الا ربع باش ما تجيش الكيكة مزيتة
كوكوط و زبدة باش ندهنوها و شوية الطحين باش نرشوه
[ندعوك للتسجيل في المنتدى أو التعريف بنفسك لمعاينة هذه الصورة]دابا ندوزو للطريقة
ندهنو الكوكوط بالزبدة و نرشوها بالطحين و نحطوها جانبا
[ندعوك للتسجيل في المنتدى أو التعريف بنفسك لمعاينة هذه الصورة]في اناء نديرو البيض و السنيدة و لاباني و نخلطوهم مزيان حتى تدوب سنيدة
[ندعوك للتسجيل في المنتدى أو التعريف بنفسك لمعاينة هذه الصورة]و نزيدو الزيت و نخلطو مزيان
[ندعوك للتسجيل في المنتدى أو التعريف بنفسك لمعاينة هذه الصورة]عاد نزيدو الطحين و كاوبيل و الخميرة و نحركو حتى يتجانس الخليط
[ندعوك للتسجيل في المنتدى أو التعريف بنفسك لمعاينة هذه الصورة]نكبوه فالكوكوط و نسدوها و ما نديروش الصفارة
[ندعوك للتسجيل في المنتدى أو التعريف بنفسك لمعاينة هذه الصورة]نديروها فوق البوطة على نار مهيلة بزاف يعني ننقصو البوطة على حدها
نخليوها من 20 حتال 30 دقيقة تقريبا على حسب البوطة كاين لي واخا كتنقصها مزيان كتبقى مجهدة شوية
المهم منين نشوفو دخان ابيض خرج من بلاصة الصفارة نعرفوها طابت و نطفيو عليها
[ندعوك للتسجيل في المنتدى أو التعريف بنفسك لمعاينة هذه الصورة]ادا بغينا الكيكة تجينا متقوبة من الوسط بحال ديال المول ناخدو قرعة الكونفيتير و ندهنوها بالزبدة و نرشوها بالطحين و نحطوها فوسط الكوكوط عاد نكبو الخليط
القرعة راها ما كاتتهرسش
[ندعوك للتسجيل في المنتدى أو التعريف بنفسك لمعاينة هذه الصورة]ندورو القرعة فبلاصتها عاد نحايدوها باش ما تجرش لينا معاها شي طرف ديال الكيكة و يخسر المنضر
[ندعوك للتسجيل في المنتدى أو التعريف بنفسك لمعاينة هذه الصورة]بعد المرات كنلقاوها تحرقات شوية من لتحت
ماشي مشكل
نكرطوها بشوية بالموس
[ندعوك للتسجيل في المنتدى أو التعريف بنفسك لمعاينة هذه الصورة]و نقلبوها و شي باس ما كاين
[ندعوك للتسجيل في المنتدى أو التعريف بنفسك لمعاينة هذه الصورة]