[ندعوك للتسجيل في المنتدى أو التعريف بنفسك لمعاينة هذه الصورة]غادي نحتاجو نفس مقادير الكيكة دالكوكوت
في اناء نديرو البيض و سنيدة و لاباني vanille و نخلطوهم مزيان حتى تدوب سنيدة
[ندعوك للتسجيل في المنتدى أو التعريف بنفسك لمعاينة هذه الصورة]نزيدو الزيت و نخلطو مزيان
[ندعوك للتسجيل في المنتدى أو التعريف بنفسك لمعاينة هذه الصورة]نقسمو الخليط على جوج
[ندعوك للتسجيل في المنتدى أو التعريف بنفسك لمعاينة هذه الصورة]واحد نضيفو ليه 4 معالق كبار عامرين مزيان دقيق و خميرة وحدة ديال الحلوى و نخلطو حتى يتجانس الخليط و عينك ميزانك ادا جاك مازال جاري زيدي شوية طحين جاك عاقد زيدي بيضة أو شوية الزيت
ناخدو الكوكوط مدهونة بزبدة و مرشوشة بالطحين و من الافضل نكونو وجدناها قبل ما نخلطو الكيكة و مع هاد الحال سخون ادا لقيتي ليها شي بليصا فالتلاجة غير خشيها حتى تسالي
نكبو معلقة من الخليط البني فوسط الكوكوط و نكبو فوقو معلقة من الخليط الابيض و نعاودو معلقة من الخليط البني تم معلقة من الخليط الابيض و هكدا حتى نساليو الخليط واخا يبان لينا كايتخلط ماشي مشكل راه منين كايطيب كايجي زوين
مانحركوش الخليط بالمعلقة باش يمشي للجوانب راه هو بوحدو كايسيح
و التاني نضيفو ليه 2 معالق كبار عامرين مزيان دقيق و جوج معلق عامرين مزيان كاوبيل أو بودرة الكاكاو و خميرة وحدة ديال الحلوى و نخلطو حتى يتجانس الخليط و عينك ميزانك ادا جاك مازال جاري زيدي شوية طحين جاك عاقد زيدي بيضة أو شوية الزيت
[ندعوك للتسجيل في المنتدى أو التعريف بنفسك لمعاينة هذه الصورة]و نطيبوها بنفس الطريقة غير الوقت راه كايختالف
انا كاتاخد لي 30 دقيقة
الاخوات لي جربوها كاين لي خدات ليها 30 دقيقة كاينة لي 50 دقيقة و كاينة لي 15 دقيقة المهم على حسب البوطة تكون على نار مهيلة و صافي
وهاهي منين وجدات
[ندعوك للتسجيل في المنتدى أو التعريف بنفسك لمعاينة هذه الصورة]